1640/2026-2030

Lawngtlai, 4th August 2026: Lawngtlai District chhunga License neilo ten dan lova Fertilizer (leichi) an zawrh leh hralh thin chungchangah Lawngtlai District Magistrate chuan a hnuaia mi ang hian thuchhuah a siam.

ORDER

No.J.11013/2/2025-DC(LTI):- Tunlai hian Lawngtlai District chhungah Fertilizer (leichi) license neilo ten dan lova zawrh leh hralh a hluar hle tih hriat a ni. Chuvangin 'The Essential Commodities Act, 1955 and Fertilizer (Control) Order, 1985' in a sawi angin Fertilizer (leichi) zawrh leh hralh chungchangah thupek chhuah tula hriat a ni.

Chuvangin kei, DONNY LALRUATSANGA, MCS, DISTRICT MAGISTRATE, LAWMGTLAI DISTRICT chuan heng a hnuaia thupek hi ka chhuah e.

1) Lawngtlai District chhungah Fertilizer (leichi) hmanga dan kalh a sumdawn phal a ni lo.

2) Fertilizer (leichi) te hi kan thenawm ram Myanmar leh ram dangah sumdawnna kaihhnawih thila hralh leh zawrh khap tlat a ni.

3) Fertilizer (leichi) hmanga phalna nei lova sumdawnnaa inhnamhnawih te chu an bungrua leh a phurna lirthei mansak a, hrem theih an ni bawk ang.

He thupek hian chhuah a nih atanga thla hnih (2) chhung a huam ang.

He thupek hi vawiin date 04.08.2026 hian District Magistrate Seal- a nemnghetin hming ka ziah hnan e.

Sd/-
DONNY LALRUATSANGA
District Magistrate
Lawngtlai District, Lawngtlai