1641/2026-2027

Lawngtlai, 4th August 2026: Vawiin khan Lawngtlai District Level Telecom Committee chuan an Chairman leh Bawrhsap nibawk Pu Donny Lalruatsanga kaihhruaiin a Office Chamber-ah thutkhawm an nei.

Pu Donny Lalruatsanga chuan kalkhawmte chibai bukin, Lawngtlai District- a Telecom Service tha zawk awm tura hmalak chhunzawm zel a pawimawh thu a sawi a. Mobile leh Internet Network - chu mipuite mamawh tak niin, sawrkar tan pawh online - a tihfel tur tam tak a awm angin, a tello a hnathawh a harsa em em a, mobile leh Internet Network tha awm tura Commitee - in theihtawp a chhuah a ngai a ti. Zirna, Emergency Service leh ram hmasawnna hnathawh kawng hrang hrangah mamawhna a sang hle a, Telecom Service tha zawk awm tura theihtawp chhuah turin kalkhawmte a chah nghal bawk.

Pu G. Vijaya Bhaskar, Member Secretary BSNL Sub -Divisional Engineer chuan Lawngtlai District- a Telecom Serivece Provider - te dinhmun tlangpui, harsatna leh hmachhawp an neih te sawizauna a nei a. A bik takin BSNL - te chuan Mobile Network awmlohna hmunah network awm tura hmalak mek a ni, a ti a. 5 G Network pechhuak vek tura hmalak mek a nih tur thu a tarlang bawk.

Thutkhawm chuan Mobile leh Internet Network tha zawk awm turin Network Service Provider hrang hrangte lungrual taka thawhho a tul hle tiin, hemi kawngah hian theihtawp chhuah ni se an ti a. Service Provider - te hrui kal hnawk lutuk chu veiawm an tih thu sawiin, mumal leh fel fai taka an hruite zam tir ni se an ti a. Network Service Provider- ten line thar an zam dawnin Commitee- phalna lak tir thin ni se an ti bawk a ni. Line inzam hnawk lutuk tihziawmna turin 'colour coding' mumal tak pek vek ni se an ti a ni. Thutkhawm lehah chuan Lawngtlai District- a Internet Service Provider- zawng zawngte sawm vek ni se an ti bawk a ni.

Vawiin thutkhawmah hian Lawngtlai District Level Telecom Committee- te an telkim tha hle a Pu Donny Lalruatsanga chuan lawmthu sawiin hun a khar.