1642/2026-2027

Champhai AH & Vety Department hnuaia Boar Semen Station (Vawk kah raina hmun), African Swine Fever leng vanga kum 2 chuang khar lo ni tawh chu Champhai District AH & Vety Officer Dr. Lalbiakzuala Sailo hmalakna in thar thawh a ni leh ta a, nimin Thawhtanni khan vawk pakhat an kap a ni.

He Boar Semen Station hi 2022-a ASF hrileng  vanga Vawk pa chi thlahtu a thih avang leh hri leng a awm deuh reng avanga khar tawh a. Tunah hian Mizoram District thenkhatah ASF hrileng vang hian vawk la thi zeuh zeuh mahse Champai District hi  hri leng lakah a him rih nia hriat a ni a. Vawkpa chi thlahtu mamawhna a san em avangin leh ran vulhtute mamawhna a sanzia hriain DVO hian hmalain Selesih a AH& Vety. Farm atangin Vawkpa chi tha a chi lak tura trained sa thlap la chhovin Pu Lalduhawma, Vety Field Supervisor , Selesih chuan July ni 30 atanga August ni 3 chhung khan Champhai District Vety Hospital staff te Vawkpa chi lak dan, a sawngbawl dan leh kah rai te a zirtir a. He hmalakna hian Champhai District chhunga Vawk vulhtute mamawh nasa takin a phuhruk ngei beisei a ni