Fire & Emergency Services Department chuan mipuite kangmei laka inven leh fimkhur chungchang inhrilhhriat zau nan December ni 31, 2013 zanah Lunglei-ah ‘Musical Concert’ neih nan Rs. 60,000 an bultum sak dawn a; MJA Lunglei Sub-Headquarters-in Concert hi an huaihawt dawn a ni. He hunah hian zaithiamte an che dawn bakah kangmei laka inven leh fimkhur chungchang mipuite hriatturinpuan a ni bawk ang.
Kangmei chhuak thei laka inven chungchangah F&ES Deparment chuan mipuite fimkhurturinan duh a, a hnuaia mi ang hi an chah a ni :
1. Gas cylinder leak hman miah loh tur a ni.
2. Gas bur I thlakin rubber ring/washer a awm ngei em tih fiah la, a awm loh chuan hmang lui suh ang che.
3. Gas bur hi meiin nasa taka a tihsat loh chuan a puak mai lova, a lo kang palh a nih pawhin a puah mai loh nan tui-a leih daih a tha hle.
4. Petrol, Diesel leh Oil chi reng reng mei bul hnaiah dah miah lo tur.
5. Electric Wiring a thiamte chauh khawih tir ang che.
6. Parda, thosilen leh puanzar bulah mombati chhit loh tur.
7. I meilum/sikri ai timit kim lovin mutsan suh ang che.
8. Mei nung lai reng reng ngaihthah loh tur a ni.
9. Mei chhemna thil – nawalh, lighter te naupang leh rilru kim lote khawih phaka dah loh tur a ni.
10. In leh a vela bawlhhlawh kang theite thenfai reng tur a ni.
11. Electric istiri, heater leh electric hmanraw dangte ‘ON’ chungin kalsan suh ang che.
12. Kangmei tantir thelh nan – 1.Tui bucket khat tal khai mai theih tur, 2.Puan chhah hlai tawk, 3.Fire extinguisher – neih ngei tum ang che.
13. In chhuahsan dawn leh mut hmain thuk te, mombati chhit te a mit em tih enfiah thin ang che.
14. Cigarette bung leh nawalh te a nung chungin paih mai mai suh ang che.
