Kum danga tih thin angin kumin Krismas leh Kumthar hlim leh thlamuang taka mipuiten an hman theih nan leh ruihhlo dona kawngah chak zawka hmalak a nih theih nan ‘Protection Squad’ din a ni. Lunglei Town chu hmun 3-ah then a ni ang a, 24 December leh 31 December zanah Protection Squad te chu an bial chan chhung an tlawh chhuak vek dawn a ni.

Krismas leh Kumthar vuakvetah mipui an him theih nan khawng takin dan kenkawh a ni dawn a. Halpuah, Silai lem mu nei chi leh halmawi chi hrang hrang khap a ni bawk. Kohhran tinah ruihhlo that lohna lam thu chhiarchhuah tur buatsaiha pek a ni dawn a; ruihhlo zuar leh rui, buaina siam reng reng chungah na takin dan hmanga hrem a ni dawn a ni.