Vawiin tlai khan FIFA & AIFF Mizoram tlawha lokal te chuan Sports Minister Pu Zodintluanga chu a office ah hmuin inkhawm hona hun tha tak an nei.

Nithum chhung cham tur FIFA & AIFF hotu lokalte hnenah chuan Pu Zodintluanga chuan lawmthu sawiin Football hmasawnna tur atan hian Sorkar a in hawn reng thu leh Football puipa khualtha in Mizoram an rawn tlawhah lawmthu a sawi a. MFA hmalakna avanga Football lamah Mizoramin hma a sawn thu leh I-Leaque khelh hlan  a nghahhlelh thu leh Mizo naupangten football an ngaihsan dan leh an tuipui zia te a sawi a. Lunglei leh Champhai ah Football training na siam mek a niin zawhfel tep anih thu Sports Minister chuan sawiin Kolasib Saidan-ah Naupang 80 lenna tur Football Academy siam mek pawh kum khat hnuah zawhfel mai beisei anih thu a sawiin School nena thawhho hi an duh ber anih thu a sawi bawk.

FIFA & AIFF atanga lokalte chu  Pu Shaji Prabhakaran, Development Officer, All India Football Association (AIFF); Pu Vicent Subramaniam, Technical Director FIFA South East Asia Region; Pu Sunando Dhar, CEO I-League leh Pu Savio Medeira, India U23 Coach te an ni.

Vawiin inkhawm khawmna ah hian Sports Secretary Pu Zothankhuma leh Sports Director Pu Zothanmawia te bakah Mizoram Football Association hruaitute an tel a ni.