Vawiin khan Assembly Pay Committee chuan Fifth Report of Assembly Pay Committee chu Speaker Pu Hiphei hnenah an hlan a. He report-ah hian The Seventh Central Revision of Pay (as modified and extended to the employees under the Government of Mizoram) Rules, 2018 leh a kaihhnawih thil pawimawh hrang hrang Mizoram Legislative Assembly-a hnathawkten an hman ve theihna tur leh Commissioner leh Secretary, Mizoram Legislative Assembly hlawh tur chungchanga Assembly Pay Committee in rawtna a siam te tarlan a ni.

Assembly Pay Committee-ah hian Deputy Speaker Pu R. Lalrinawma chu chairman a ni a, member dangte chu: Pu R. Romawia, Pu P.C. Zoram Sangliana, Pu Lalrinliana Sailo, Pu H. Zothangliana, Pu Lalruatkima leh Pu Joseph Lalhimpuia te an ni.