Vawiin khan DC Conference Hall, Mamit-ah Mamit District chhunga Sector Officer te tan EVM/VVPAT chungchang leh Election kaihhnawiha tul hrang hrangah training neih a ni.

Training hawnna Pu Jacob Lalawmpuia, Addl DC/Deputy District Election Officer, chuan neiin kan hmaa inthlanpui kan hmachhawn tura mawhphurhna hrang  hrang nei te'n tihtak zet leh rilru pe taka training kan hmachhawn a tul a, inthlanna felfai leh thianghlim,  a awm theihnan hma la theuh turin a chah a, Sector Officer atana ruatte chu an mahni bial theuhvah mawhphurhna lian tak an nei a ni tih in hriat a,   EVM/VVPAT khawl hmandan, harsatna awm palh theia hmalak dan tur an hriat chu a pawimawh thu a sawi.

Addl DC chuan Election Commission Of India chu a fimkhurin a duhtui hle a, a duhdan anga kan hma-a inthlanpui kan hmachhawn turah theihtawp chhuaha training turin Sector Officer te a sawm a ni.

Vawiin training-ah hian Pu J. Miahlung, Election Officer, Pu Victor Lalawmpuia, SDO(C) W. Phaileng/ ARO Dampa,  Pu Chinlianmanga, SDC, AERO, Hachhek te chuan EVM/VVPAT chungchangah kalkhawmte zirtirna an pe a ni.

Training- ah hian Mamit District chhunga Sector Officer atana ruat mi 15 te an tel kim a ni.