Vawiin hian Agriculture Department, Serchhip leh Sub-Headquarters YMA, Serchhip tangkawpin an buatsaih ‘Rannung thahna leh Hlo tur hman dan zirhona’ chu Hmar Veng YMA Hall-ah neih ani.

He hun hi Pu James Lalsiamliana, DAO Serchhip chuan a kaihruai a, rannung thahna leh hlo tur hi loneitute tan a tangkai em em a, chutih rualin mihring hriselna nghawng thei ani em tih hi zawhna a tam ta hle ani. Hemi chungchang sawi hona leh zirna hun YMA te nena an nei theih chu lawmawm a tih thu sawiin; midangte zirtir chhawngtu ni thei tura inbuatsaih turin  kalkhawmte a chah a ni. Pu K. Laltlanmawia, SDAO, Serchhip pawhin zirhona hun buatsaih anih dante sawifiahna a nie ve bawk.

Pu R. Sanghmingthanga, Prsident, YMA Sub-Headquarters pawhin thusawiin; YMA General Conference rorel tihhlawhtlinna atana Agriculture Department, Serchhip in hun tha tak an buatsaih sak thei chu lawmawm a tih thu a sawi a. Ram leh hnam humhalh zel tur leh chim ral kan nih loh nan hrisel taka kan awm hi a pawimawh ani a ti. Cancer tamna ber District tia min hriat thin pawh, a tamna ber kan ni lo tih hi kan hmu chhuak tawh a, chutih rual chuan mi tam takin cancer natna kan la vei mek zel nachhan hi hmuhchhuah anih theih nan hma lak mek zel ani, a ti bawk.

He zirhona hunah hian Pu C. Lalnithanga, Deputy Director (Plant Protection) Directorate of Agriculture (CH) chuan, ‘Rannung thahna hlo hman dan chungchang’ leh ‘Hlo tur hman dan chungchang’ a lem nena entirin zirtirna a pe a. Sawi hona hun tha tak hman a ni bawk ani.

He hunah hian Sub-Headquarters YMA Serchhip hnuaia Town branch hrang hrang 21 atang te, Sub-Headquarters YMA in direct-a awp YMA Branch 6 atang te leh Group YMA 3 atangin aiawh an kal kim thei a ni.