Mizoram State Tobacco Control Society (MSTCS) leh Mizoram Film Development Society hruaitute chuan vawiin khan MSTCS Office-ah Joint Meeting an nei. He hunah hian vaihlo chungchanga Film siamtute hriat tur pawimawh hrang hrangte sawihovin, film reng rengah meizu an lan chuan "Health Warning" a hnuaiah emaw ziah lan ngei ngei tur a nih thu leh, a zawm lo chu COTPA hnuaia Section 5 hmangin rem theih an nih thu te sawiin, hei hi Cable TV neitute leh Sub Operator hrang hrangte pawh hian an hriat a ngaih thu tarlan a ni bawk.

Vawiin vek hian Lunglei District Anti Tobacco Squad-te chuan COTPA dan bawhchhia an awm leh awm loh enfiahna hun an nei a. Office paruk (6) BDO , High Power Committee, Vety Hospital, Home Guard, Power & Electricity, UD&PA te an tlawh a, dan bawhchhia man an neilo. Hemi bakah hian dawr neitu vaihlo zuar ten an tar ngei ngei tur Pictorial Health Warning an tar em tih enfiahna hun an nei bawk.