Election Commission of India thupek anga Mizoram puma Photo Electoral Rolls Special Summary Revision, 2013 neih Final Electoral Rolls Dt. 16.08.2013 a tarchhuah chu peih fel a ni ta a. Vawiin khan Aizawl Deputy Commissioner/ District Election Officer Dr. Franklin Laltinkhuma kaihhruaina hnuaiah Aizawl District-a Special Summary Revision of Electoral Rolls chungchangah meeting pawimawh tak DC Chamber-ah neih a ni.
Aizawl District chhungah Assembly Constituency 14 awm in, Draft Photo Electoral Rolls chu 1st July, 2013 ah khan mipui te en theih tura tar chhuah niin. Hemi ni atang hian 15th July, 2013 thleng Electoral Roll atanga paih ngai paih dilna, kum tling thar leh Elctoral Roll a la chuang lo hrim hrim te siamthat ngai te tan dilna hun hawn a ni a. Hemi hun chhung a dilna lut hi 16th – 29th July, 2013 chhungin ERO/AERO te kaihhruaina hnuaiah veng/ khawtina Local Council/ Village Council, NGO, BLO ten enfiahna an nei a. Hetianga an enfiah zawh hnu chu Election Branch in an lo enfel leh a, chu mi hnuah Data Entry (Computer-a thunluh hna) thawh zui nghal char char a ni.
He Special Summary Revision chungchanga District Level Standing Committee hmasaber chu 21 June, 29013 khan DC Office Chamber-ah thukhawmin, Polling Station 30 siam belh rawtna chu pawm a ni. District Level Standing Committee hi Electoral Roll Observer Pu R.Lalvena,IAS kaihhruaina hnuaiah vawithum an thu khawm a ni.
Final Electoral Rolls, 2013 a lan dan chuan Electors 103 awmna Upper Sakawrdai chu electors tlem ber na niin, electors 1,215 awmna Laipuitlang chu a tam berna a ni. Aizawl District ah hian Voters 2,58,153 awmin mipa 1,23,645 leh hmeichhia 1,34,508 an ni. Tin Service Voters 1,721 an awm bawk.
He meetingah hian Electoral Roll Observer, Pu R. Lalvena IAS, Electoral Revision Officer (ERO) te, Asst. ERO te, Political Party hrang hrang aiawh te, Aizawl City Local Council Association President, NGO te leh official sawm bik te an tel tha hle.
Election Commission of India in ruahmanna a siam angin, Final Electoral Rolls copy lei duh tan a soft copy Rs. 100/- in leh a hard copy phek khat Rs.5/- zelin a lei theih a ni.
