Nimin khan India ram hmun dangte rualin India Independence Day vawi 67-na chu Pu K.S. Thanga, Parliamentary Secretary, Agriculture, etc. chuan N. Vanlaiphai-ah Khuallian niin a hmanpui a, Parade Contingent 5-te chibai a chhanglet.
He hunah hian Khuallian Pu K.S. Thanga chuan Mizoram Sorkarin kawng hrang hranga hma a lak chhoh dan leh a tihpuitlin dan te sawiin NLUP-ah hlawhtlinna hmuh tur a awm mek thu leh mi harsate khaichhuahna tura programme hlawhtling tak a nih thu a sawi. Sorkar hmalakna kal mekah Agriculture Department hnathawh hrang hrang - NLUP, RKVY leh National Food Security Mission (NFSM) atangtea hmalak niin loneitute a theih ang anga chhawmdawl zel an nih thu a sawi.
A sawi zelnaah Khuallian chuan tun Sorkar kal mekah Power Tiller 913 leh Tractor 55 a mamawhte hnenah subsidy-a pekchhuah a nih tawh thu leh tun dinhmunah Mini Power Tiller leh Power Tiller pekchhuah mek a nih thu a sawi bawk. Sorkar hmalakna avanga tlangram loneih lo tlahniam ta leh Technology hrang hrang hman avanga buh thar a lo tam tak thu a sawi bawk in, a theihna apiangah mechanization kalpui mek a nih thu Khuallian chuan a sawi bawk.
Pu K.S. Thanga, Parliamentary Secretary hi Pu Lalrinliana, Joint Director of Agriculture chuan a tawiawm a ni.
