Government of India Notification No. 2652 dt. 8.11.2016 hmanga Rs 1000/- leh Rs 500/- note a tihthih chungchangah a hnuaia mite hi mipuite hriat atan tarlan a ni :

1) Rs 1000/- leh Rs 500/- note thi tawhte hi mahni Bank Account ngeiah 30th December, 2016 thleng dah luh theih a ni.

2) Ni 25.11.2016 atangin heng note hluite hi Bank-ah thleng (exchange) theih a ni tawh lo.

3) Pawisa tihthih a nih hnua Bank Account-a pawisa dah luh Rs. 2.5 lakhs (Cheng nuai hnih leh singnga) leh a chunglam chu uluk taka enfiah a ni dawn a, mahni sum lakluh phu loa dah tamte chu chhui zui an ni ang.

4) Pawisa note te zawk (Rs 100/50/20/10)-te hi kawl tha mai lova Bank-ah a tul anga deposit tur leh hmang zel turin ngen leh hriattir kan ni.

Ministry of Finance, Govt, of India-in Press Release dt. 18.11.2016-a a tihchhuah angin mi tuten emaw an black money tihnun nan leh Income Tax awl nan mite hnenah pawisa hlawh tur tawktarhin an account-a pawisa dah tura thlem an awm thei a. Mizote hi Tribal, Income Tax chawi lo kan nih avangin hetiang hi tawn palh theih a ni a. Chutiang kan tawng a nih pawhin rem ti hauh lo turin kan inhriattir a, kan account-a pawisa dah luh rem ti kan lo awm a nih chuan Income Tax chawi pumpelh tura tanpuitu anga ngaih niin Income Tax Act hnuaiah an chungchang ngaihtuah leh chhui zui an ni ang.