Aizawl East II bialtu PuLalsawta, Finance Minister chuan tukin zing khan a bial fangin a tlawh kual a. MLA Fund hnuaia hnathawh mek te leh Armed veng, Saron Veng leh Chhinga Veng leh veng mawng lam thleng ke a kalin luikawr kawngbo deuh tawh leh vengchhung inkalpawhna leh step siam chhe tawh te leh veng chhunga vantlang hmun pawimawh te a a fang kual. Local Council Member te leh vengchhung hruaitu aiawh hrang hrang ten bialtu MLA hi tawiawm in veng hmasawnna atana hmalak dan turte thlir hovin an sawiho a ni.

Armed veng a Anganwadi leh Pu Lalbuatsaiha Ina inkawmhona ah bialtu MLA chuan Bial chhung mite nen ram leh hnam tana thawhhona tha tak an neih thin ah leh vengchhung hmasawnna tur atana mi inpe leh mi inphal tak tak te hnenah lawmthu sawiin khawvel ram dang hmasawn ruala ke pen zel chu Sorkar tum ber anih avangin ram hmel tidanglama eizawnna a ngelngheh neih theihna turin hma a la mek a, a sawia sawi chu thil tih in a zui a ngai a ni, a ti.

NLUP hmangin mi harsa zawkte dawmkan kalpui mek anih dan sawiin Finance Minister chuan NLUP hlamchhiah chuang lovin, tunah hian New Economics Development Policy ah bultan leh mek a ni a, NEDP ah chuan kawng tha ‘link road’ te siamin mimala lei mai harsa, khawl lian leh tangkai eizawnna tling tur te chhawpchhuah tum a ni a. Mi hausa leh lehkhathiam te’n Agriculture, Vety, Industries leh Horticulture te luhchilh in sum changthlai thlur bik neia kalpui in inkhaichhuah dan kawnga hmalak mek anih thu a sawi a. Chutiang chuan kan ram Economics hi siamtha in lehkhathiam hna thawh mumal nei lo te tan pawh kawng a inhawn zau a beisei thu a sawi bawk.

Pu Lalsawta hian tun thla chhung hian a bial chhunga Saron Veng, Chhinga Veng Unit III, Chhinga Veng Unit II leh Dawrpui Veng te la tlawh a, fan kual leh a tum a ni.