Vawiin chawhma khan Secretariat Conference Hall-ah Finance Minister Pu Lalsawta leh Parliamentary Secretary, Pu K.S. Thanga, ten Mizoram Finance Department a officer te chu Information Technology hman tangkai a tulna kawngah an kawm a. Hemi hnu hian Information & Communication Technology department a mithiam ten sum leh pai enkawlna a Information Technology hman tangkai a ni theih dan kawng te tarlangin zirtirna an pe a ni.

Finance Minister chuan Information Technology (IT) hman tangkai anih chuan sawrkar tan sum tam zawk, senso tlem zawk hmanga hailuh leh khawl theih a ni a ti a.IT thiamna chu sum leh pai enkawlna ah hman a lo nih chuan sawrkar tan pawh mipui rawngbawl sak a awl zawk ang a, mipui tan bill chi hrang hrang pek chungchangah te leh sawrkar dawrna ah pawh remchanna leh awlsam zawkna a awm thei dawn a ni a ti.

Meeting hi Finance Secretary Pu F. Vanlalruata’n a kaihruai a. He hun ah hian Parliamentary Secretary Pu K.S Thanga bakah Finance Minister tawiawmtu Pi L.N. Tochhawng, Finance Commissioner leh Pu Lalhmachhuana, Secretary, ICT ten thu an sawi a. Pu Lalthlamuana, Chief Informatics Officer, ICT in meeting neih chhan Business Model sawi fiahna hun a hmang bawk.