Finance Minister Pu Lalsawta chu vawiin chawhma khan Mission Vengthlang YMA Hall-a Mizo Cultural Organization (MCO) General Assembly vawi 12-na neihah khuallian niin hun a hmanpui a, Mizo hnam ziarang tha lai chhawmnungtu pawl MCO hmalakna hrang hrang chu lawmawm a tih thu a sawi.
Minister chuan khawvel hnam hrang hrangin an hmanlai hun atang tawha tihdan phung leh kalphung nghet, tih tur leh tih loh tur tam tak an neih vek thu sawiin, chutihlai chuan kal phung thalo lai pawh a tel theih thu a sawi a. Mizote zingah pawh pipute atanga inhlanchhawn tlamngaihna, hnuaisenna, aia upa zah leh thil dang dang kan nei chu a lawmawmin hman ti ropuitu a nih thu te, chutihrual chuan Mizo history leh culture-a tel ve chhunzawm atan duhawmlo pawh awm ve tho thu sawiin Minister chuan MCO chuan a dik leh tha chin chauh chawmnung zel tura hma a la chu fakawm a tih thu a sawi a. Member-ten thawhhona tha tak an neih a, hnam dangin Mizoram mipuite an ngaihtuah rual rualin hnam tlawmngai leh zahawm an rilru ah a lo lan zel theih nan MCO member leh mipuite a sawm a ni.
MCO General Assembly 2018 hawnna hun hi an President Pu James Lalchhuanawma'n kaihruaiin, rorel in a chhunzawm a; chawhnu lamah kum 2018-2020 atana pawl hruaitu thlanna neih a ni. MCO hian Chapchar Kut leh festival dang hrang hrangah cultural item an lo entir tawh thin a, International Tourism Mart, November 2016-a Tripura a neih leh December 2017-a Guwahati a hmanah te Performing Troupe a tir bawk. Tun dinhmunah MCO hnuaiah hian Aizawl khawchhung atangin Cultural Club 61, sub-headquarters pali leh MCO Group pahnih an awm a ni.
Attachment
- Loading attachment...
