Vawiin chawhma dar 11 khan NULM Serchhip leh Mizoram Rural Bank, New Serchhip te tangkawpin NULM hnuaia Skill Development Training nei mek te tan Financial Literacy Campaign an buatsaih.

He hunah hian Pu John Lalchhanhima Ralte, Manger Mizoram Rural Bank, New Serchhip chuan thusawiin India sawrkar hian mipuiin bank account kan neih that hi a ngaipawimawh hle a ni a ti a, ramchangkang tehna hmanrua chi khat anih avangin keini pawhin bank account kan neih ngei hi a tul a ni a ti. Bank account kaltlang hian mipuiten hamthatna chi hrang hrang kan dawng thei bakah, mipuiin kan pawisa neih ang angte bank accounta kan dah hian, mi harsa zawk ten pawisa puk tur an lo neih theih phah thin a, ram leh hnam tan hna tha tak kan thawk thei ani a ti bawk.

He hun kaihruaitu Pi Lallawmzuali, District Manager, NULM chuan an hnuaia Skill Training chhuakte an ngaihpawimawh thu sawiin, training an chhuah hunah an eizawnna bul tanna atan bank kaltlangin Loan an dilpui thin thu sawiin training mekte pawhin chhawr tangkai nachang hria se a duh thu a sawi bawk.

He hunah hian NULM hnuaia skill training nei mekte an kal tha hle a ni.