Fire Service Week 14th - 20th April, 2016 denchhenin, vawiin ni 15th April hian Helen Lowry School, Vaivakawn Aizawlah ‘Fire & Evacuation Drill’ neih a ni a. He Drill ah hian Fire & Emergency Services Staff te chuan Chhiatrupna laka inven dan te, alo thlen thulh a chet lak dan te leh, kangmei laka fimkhurna chungchang bakah kangthelh dan te zirtirna an pe a ni. Fire Service Week hun chhung hian District khawpui hrang hranga School thlan bikah Fire & Evacuation Drill hi neih tur a ni.

Fire Service Week 2016 thupui chu, “Kangmei veng la, Ram hmasawnna thlentu ni rawh” tih a ni a. He Week pual hian DDK leh Local Cable TV leh hun remchang dangah tepawh programme siam a ni. Fire department chuan Mizoram mipui zawng zawng te kangmei avanga chhiatna tawk lo turin kan duh a, chutiang tur chuan ‘Kangmei lakah chhungtinte fimkhur theuh turin’ kan ngen a ni.