Sorkar laipuia Ministry of Housing & Urban Developement (Housing for All) Director Pu B.M.Agarwal chu vawiin khan Lunglei tlawhin, Circuit House Conference Hall-ah Lungleia Bank hrang hrangte nen Meeting an neih a ni. Meeting hi Lunglei DC Pu Abhijit Vijay Chaudhari-in a kaihruai a, vawiina Bankers Meeting-ah hian CLSS mirethei In sakna tur loan pek dan chungchang an sawiho.

CLSS loan hi E.W.S leh L.I.G-in dil theih a ni a, mimalin loan a dil atangin nuai 6 chinah 6.5% interest sorkar-in a tum sak dawn tih Pu B.M Agarwala'n a sawi a, Bankers-te chu hemi Scheme-ah hian mipuite tha taka thawhpui turin a sawm bawk. Meeting an neih zawh hian Beneficiary te chenna In Pukpui leh Lungpawizawl-a mite Director leh Bankers te hian an tlawh nghal bawk.