Industries Department hnuaia NLUP Cell leh NLUP Implementing Board buatsaiha puanthuitute tana ni 3 chhung awh Training chu vawiin khan NLUP District Coordinator Pu Zathangliana'n a khar.

NLUP Tailoring trade thlangtute tana Puanthui zirna hun hi April ni 13 atang khan neih tan a ni a, tun tum training-ah hian Lunglei khawpui chhung atangin puanthui thlangtu mi 80 an tel a. Vawiin a kharna hun kaihruaitu DIC Lungleia General Manager Pi R.Lalrodingi chuan Puanthui thlangtute'n tihdan thar leh tunlai mila an thiamnate an chherchhuah theihna tura NLUP Implementing Board leh Directorate of Industries-in Training a buatsaih chu lawmawm a tih thu leh training-na a tel te chu an thil hriat leh zir chhuahte mahni awmna hmun theuha hmang nghal turin a chah a. Training khartu NLUP Dist.Coordinator Pu Zathangliana pawhin, DIC General Manager inpekna avanga District dangah pawh la tih ngai loh NLUP hnuaia Puanthuitute tana training hlawk thlak tak neih a ni chu lawmawm a tih thu leh mi thenkhatte'n NLUP atanga tanpuina sum an dawn te diklo taka an hman laia, Puanthui thlangtuten tihtakzet a an sum dawnte an hman thin chu lawmawm a tih thu a sawi bawk.