58/2022-2023
Aizawl the 6th April, 2022 : Fire & Emergency Services Department chuan Fire Service Week 14th – 20th April, 2022 hman tur denchhenin a hnuai ami ang hian mipui hriattur thuchhuah a siam -
KANGMEI CHUNGCHANG A HRIATTUR PAWIMAWH TE :
1. Kangmei chhuak thei laka fimkhur hi mitin mawhphurhna a ni, kangmei chhuah chhan hi-fimkhur loh vang a ni tlangpui.
2. In chhuahsan hma leh zan mut hmain kangmei tichhuak thei thilte enfel hmasa ziah rawh.
3. Hnathawhna hmunah kangmei tichhuak thei reng reng ngaihthah loh tur a ni.
4. Gas (LPG) fimkhur takin hmang la, a leak hmang lui suh. Gas hman loh laiin regulator off thin tur.
5. Electrical wiring thalo hi kangmei tichhuak thei a nih avangin a thiam te chauh khawihtir thin rawh. Circuit Breaker (MCB) hmang ngei ngei la, fuse wire dik tak chauh hmang ang che.
6. Electric istiri / heater / room heater / geyser - te ‘on’ chungin kalsan suh.
7. Parda, thosilen leh puanzar hnaihah mombati, bati chhi suh. Petrol, diesel leh khawnvartui hmang fimkhur la, mei bul hnaiah dah suh.
8. Mei nung lai reng reng ngaihthah loh tur, meizial bung paih fimkhur la, a nung chungin paih suh.
9. Kangmei a lo chhuahin chiai mai lo la, rang takin midang hrilh vat la, Fire Station hnai ber fiah leh rang takin kangmei chhuahna hriattir ang che.
10. Fire Emergency atan phone no. 101 leh Emergency hrang hrang atan 112 (ERSS)-te biak pawh thin tur a ni, biakpawh theihloh thulhah Police Station hnai ber hriattir thin tur a ni.
