Vawiin chawhma dar 11:00 hian ram kang chungchanga inzirtirna hun Fire Prevention Awareness Campaign Vanapa Hall-ah Environment & Forests Department huaihawtin neih a ni a. He hun hi Pu Rosiama Vanchhong, Addl. PCCF-in kaihruaiin Prof. R. Lalthantluanga,Vice Chancellor, Mizoram University chu khuallian a ni.
Khuallian chuan kan hriatna leh thiamnate hi kan society leh khawtlang tan kan hmang thin tur a ni a, tun hnaia mi thiamho India President hoa inhmuhkhawmnate pawh quality education leh extention work hi India sorkar laipuiin a ngai pawimawh hle a, ramkang leh bawlhhlawh halna avanga boruak chhia (Carbon dioxide )lo insiam avanga khawvel boruak lo lum zel (global warming) te hi a ngai pawimawh hle a ni. Ramkang hian biodiversity leh ecological balance a tibuai a, ramsa leh nungcha te zawk mita hmuh tham leh tham loh te thlenga a kan hlum thin avangin a venna kawngah mitinin tan kan lak a ngai a ni. Kan fimkhur tawk loh avangin kangmei a chhuak tam a, ho te anga lang atangin kangmei rapthlak tak chhuakin kan In leh lo kan chan bakah nunna hlu tak kan chan phah thei a ni. Kanh thelhna (fire extinguisher)hi kan hman uar a tul a, bus leh public transport reng rengah tun aia kan hman uar a tul a ni. Chhiatna dang thleng thei lakah pawh awareness kan neih a pawimawh a, In leh School kan sak danahte pawh kan fimkhur a ngai a, seminar/workshop/kumpuan te kan nei fo nachungin a bawhzuina kawngah kan chak tawk lo fo a, kan mawhphurhna kan hlen a, kan thenawm te, kan chhungte bakah kan thiante hnenah hetiang hun kan hman atanga thiamna leh finna kan chharchhuahte kan hrilh chhawng zel tur a ni a ti.
He hunah hian Dr. H. Lalruatsanga, Asst. Professor, Deptt. of Botany, PUC in ‘Health Hazards of Fire’ tih leh Dr. Lalnuntluanga, Associate Professor, Deptt. of Forestry, MZU in ‘Forest Fire’ tih paper a present a. Govt. Zirtiri Residential Science College, Hrangbana College, Pachhunga University College, Govt. Aizawl College, Aizawl West College, Aizawl Law College, T. Romana College, DIET, IASE, RIPANS, AICS leh ATC atangin zirlai thahnem tak bakah MUP leh CYMA aiawhte an tel a ni.
