Kangmei laka invenna Hapta “Fire Prevention Week- 2013" hawnna inkhawm chu vawiin chawhma dar 11:30 khan DCs Conference Hall. Saiha-ah neih a ni.
He Fire Prevention Week hawnna inkhawm hi Pu B. Lalchhawntluanga, SDO(S) chuan a kaihruaia, Pu K.H Beihlo, EM (Forest) MADC chu khuallian a ni. Rev Lalbiakenga B.C.M. chuan hunserh a hmang av Fire Department aiawh in Pu C. Zonunsanga’n Week hman anih dan leh hman chhan te sawihawnna a neih bakah an department hmalakna hrang hrang te leh an hmachhawp mek te a sawi bawk.
Thu sawiin khuallian chuan kan pipu te hun laia kangmei chhuak mai tur fimkhur taka an ven thindan te sawiin mihringte nunna atana pawimawh em em ni si, mahse hmansual chuan thil hlauhawm ber kangmei laka kan ramngaw thing leh mau leh nungcha te kan humhalh a pawimawh thu a sawi a, kan inthlahdah avanga kangmei rapthlak takin kan In leh Lo leh Rohlu te a kanral theih dan a sawi bawk. Kan mamawh leh pawimawh piah lama mei kan tih chhuah thin hian Ramngaw leh nungcha tam tak ten an tuar thin a ni tiin, mei hi pawimawh hle mahse a tul lovah chuan mihringte min tichhe tu a ni, a ti a, Mihringte tan Ramngaw hlutna hrang hrang tarlangin boruak tha min petu, nitin kan mamawh chi hrang chakkhai min petu, Damdawi chi hrang hrang siam chhuahna leh kan Tui hnar ber anih thu a sawi a, Ramngaw hi kan thiantha ber anih thu a sawi bawk. Ram kan tih kan chhan hrang hrang te tarlangin Ramvak miten an hal thin thu te, Bawngvulhtu ten an ranchaw chawr thar tur duh vanga an hal kan thin thu leh Ram kal leh Lui kal ten an tih kan thin thu te a sawi a, Ram kan tihkan avanga mihring ten harsatna chi hrang hrang kan tawh theih te a sawi bawk. Kalkhawmte chu kangmei hlauhawmzia leh kangmei laka him a pawimawh zia midangte hnenah hrilh chhawng theuh turin a chah bawk a ni.
He Fire Prevention Week hawnna inkhawm ah hian zaithiam zaite ngaihthlak a ni a, Saiha khawpui chhunga Village Council hrang hrang Member te, Head of Department hrang hrang te, Tlawmngai pawl hrang hrang hruaitute leh Chanchinthar thehdarh tute an kal tha hle a, Pu Isaac C. Lalrempuia, SDC chuan lawrnthu sawina neiin he Week hawnna inkhawm hi a ti tawp a ni.
