Tukin zing dar 7:00Am khan District Level Fire Prevention Committee, Siaha huaihawtin Forest Check Gate, Meisatla atangin District Playground, Siaha vaihpi thleng Marathon Race hlawhtling taka neih a ni.

He Marathon Race hi Forest Check Gate, Meisatla atanga tlan tan in Hmeichhia leh Mipa Mi 250 an tlan a ni, he Marathon Race tlan dawn ah hian Pu Francis Lalnuntluanga Ralte MPS, Additional Superintendent of Police chuan thu sawina neiin Kangmei lakah mitin te fimkhur turin a chah a, Pu T. Chatlua, President, MTP Gen. Hqrs, Siaha pawhin thu sawiin he Marathon Race hi Thalaite tan hriselna bakah Zuk leh hmuam laka fihlim theih nan a tangkai a ni a ti bawk. Pu Solai Azyu, ACF, MADC, Siaha chuan Marathon Race a tel te tlan dan tur a sawi a, he Marathon Race ah hian Mipa-ah Pakhatna T. Malsawmkima, Thosai niin pahnihna Lallianpianga, College vaih, pathumna N. Hezrona, Thosai te an ni a, Hmeichhia ah pakhatna HC. Rosani, pahnihna Mecidi leh pathumna HC. Chrismarry te an ni.