Vawiin hian February Ni 10 atanga neih tur Fire Prevention Week 2016 hman dan tur ngaihtuahin Lawngtlai DC Conference Hallah Meeting neih a ni.
He Meeting hi Lawngtlai Bawrhsap Pu J.Hmingthanmawia, District Level Fire Prevention Committee Chairman ni bawk chuan a kaihruaia, Fire Prevention Week 2016 Hawnna inkhawm hi Ni 11.2.2016 ah CYLA Hall ah neih nise tiin Meeting hian relin kangmei laka inven dan Power Point Presentation hmanga in zirtirna neih nise a ti. Vengtina Viilage Level Fire Prevention Committee Member te,State sawrkar leh LADC Sawrkar hnuaia Officers te,LADC-a MDC leh EM bakah Sawrkar School-a Middle Section chinte kal tura sawm nise an ti bawk.
Lawngtlaia Week hawnna hman anih rual hian Sub Division Hqrs leh Block Hqrs bakah khawlian zual thlan bikah te Week hawnna Programme hi hman ni ve bawk se an ti a, Lo hal huna kangmei a chhuah tam lohna tura mei kawng siam nan MGNREGS atangin ni hnih inhlawhna dah nise an ti bawk. Nikum 2015 a Ramchhung Kangmei Vengtha Lawmman Pakhatna Lawngtlai District in a dawn chu kuminah pawh hian dawn chhunzawm leh ngei tuma hmalak nise an ti a. Hemi atana hma lo la turin District chhung Block Pali, Sangau, Lawngtlai, Bungtlang South leh Chawngte a BDO theuhte a ruat bawk.
He meeting ah hian Lawngtlai District Level Fire Prevention Committee members te an kal tha hle a ni.
