Non-Communicable Diseases Cell, Mamit buatsaihin vawiin khan World Cancer Day Observation leh a thlawna inentirna Mamit District Hospital OPD buildingah buatsaih a ni.

World Cancer Day puala inkhawm tawi buatsaih hi Dr.PC.Lalliannghaka, DMS in a kaihruai a. Dr. PC Lalawmpuia, M.O(Medicine) chuan nun dan hrisel lo, zuk leh hmuam leh ruihtheih thil a insum theihlohna hi cancer natna thlentu tam ber a nih thu sawiin, insumtheih a pawimawh thu a sawi a. Cancer mai bakah Non-communicable Diseases dang dang zunthlum, thisen sang, etc. laka invendan leh enkawl hma a tul dan te a sawi bawk. Inkhawm na hun neih zawh hian a thlawna inentirna hun buatsaih nghal a ni a, kum 30 chin chunglam leh raipuar tan a thlawnin Blood sugar test, B.P check leh Pap smear (chhul tha leh thalo test) neih a ni a, Doctor (specialist), Physiotherapist leh Diet Councellor ten a thlawnin damlo an en a ni.