No.7367/2020-2021 

Vawiin hian Serchhip District Level Fire Prevention Committee te chu an Chairman Pu Kumar Abhishek, IAS hovin DC Meeting hall-ah an thukhawm a, Fire Prevention Week, 2021, February thla hapta hnihnaa lo thleng tur hman dan tur leh kumin chhunga hmalak dan tur hrang hrangte an rel.

Vawiina meeting hian Fire Prevention Week, 2021 hawnna hun chu ni 8th February, 2021 a neih a rel a, he hunah hian nikum chhunga ram kang venna kawnga titha khuate hnenah lawmman semna neih tura ruahman a ni. Lo hal hun tura State Committee in a lo duan tawh March ni 15 aia tlai lo chu Serchhip district ah pawh khauh taka kalpui a rel a. Khaw tina Village Level Fire Prevention Committee te chu nasa zawka ram kang venna kawnga lo inhmang tur leh inzirtirna pawh anmahni khuaah te nasa lehzuala lo kalpui theuh tura hriattir ni se, tiin a rel a ni. Tin, ram kang laka invenna lam Awareness chi hrang hrang te pawh nasa lehzuala kalpui nise, media hmanraw hrang hrang te tangkai taka hman ni se tiin a rel bawk. Kumina Fire Prevention Week thupuiah hian "Kangmei tichhuak lo turin mitin i fimkhur ang u" tih a ni.

Vawiina meetingah hian Pi Margaret Lalramchhani, DFO, Thenzawl, member Secretary ni bawk chuan nikum chhunga ram kang laka district chhunga hmalak dan hrang hrang te report a pe a ni.