Vawiin chawhma dar 11:00 khan D.C. Conference Hall, Saiha-ah kangmei laka invenna hapta ‘Fire Prevention Week’ hawnna neih a ni. He week hawnna inkhawm hi Pu R. Lalsangluaia, SDO (S) Saiha chuan a kaihruai a, Pu John Laldina, Superintendent of Police, Saiha chu khuallian a ni. Thu sawiin khuallian chuan he kangmei laka invenna hapta hi hlawhtling taka hman anih theih nan leh kangmei chhuak mai thei laka fimkhur theuh turin mitinte a chah a, Thing leh Mau te hi Pathian-in a thlawna min pek a ni a, duat taka enkawl hi kan mawhphurhna a ni tiin ram ti kang mai mai lo turin kalkhawmte chu a ngen nghal bawk a ni. He hapta hawnna inkhawm ah hian Pu C. Lalhranga, Secretary, i/c Art & Culture, MTP General Hqrs. Saiha chuan ‘Kangmei laka NGOs te mawhphurhna’ tih thupui hmangin paper a present a. Pu H. Rongura, Superintendent, Excise & Narcotics pawhin thusawina a nei bawk