Vawiin chawhma dar 11:30 khan Aizawl District SSA hnuaia Committee sangber District Education Committee Meeting Vawi 23-na chu Dy. Commissioner leh DEC Chaiman nibawk Pu C.Thanchhuma Office ah neih a ni a, Aizawl District SSA hmalaknatur hrang hrang an rel a ni.

 

 

Meeting hi chairman Pu C.Thanchhuma’n kaihruaiin chawpchilh taka meeting koh a ni chung pawha member tha taka an kal thei chu lawmawm a tih thu a sawi a, Pu Robert Romawia, DPC & Member Secretary chuan Meeting Vawi 22-na leh vawi 23-na inkara Aizawl District SSA hmalakna hrang hrang report a pein, Meeting hmasain a lo rel tawh Computer Centre hrang hrang tlawh tura tih chu khaw chin thlir hmasaka remchang hmasaa neih tum anih thu te, Teachers Training hrang hrang meeting hmasain neih chhunzawm zel tura a lo rel tawh angin Question Setting & Evaluation of Answer, Disaster Preparedness in School for Middle School, Training on MDM Account leh Training on newly hired EV-te hlawhtling taka neih a ni a, DPE leh CPE pawh IGNOU hnuaiah zirtirtu 287 in an beih mek thu leh 1st Quarter chhunga training dan report pawh SPO-a thehluh anih thu ngaihthlak a ni a. Meeting hmasain a lo pawm tawh Kitchen Shed saknatur sikul 222 thlan tawh chu rokhawlhna awm avanga sak theihloh anih thu leh naupang enrolment enchunga an mamawh dan azira pek turin sikul 250 proposed thar leh anih thu leh naupang eitur ni 37 atana Conversion Cost leh Cook leh helper-te tana  May leh June, 2009 hlawhtur atan Rs 49,87,979 pawh pek chhuah mek a nih thute, Inclusive Education hnuaia hmalakna hrang hrangte, Innovative Education hnuaiah Reiek football Academy hawn thar anih thute, ECCE hnuaiah EV 50 rawih leh an nih thu te, Girls Hostel, Chhinga Vengah naupang 51 an awm mek thu te ngaihthlak a ni a. 2nd Installment atan sum Rs 4,33,22,974/- dawn leh anih thu te, sikul 144 a dah turin EV 251 lak leh an nih thute, UPS teacher tur 22 lak an nih thu leh eng emaw harsatna avanga an la zawm theih loh thu te ngaihthlak a ni a. Tin, Civil Works hnuaiah Primary School Building sakna turte, Additional Classroom-te, Boundary Wall-te, Separate Girls Toilet-te, Separation Wall-te leh Residential Hostel sakna tur, avaiin Rs 2,25,55,000/- pekchhuah anih thute ngaihthlak a ni .

    Meeting hian Aizawl District SSA hmalakna tur hrang hrang hetiang hian a rel :
1.    Secretary & Director, School Education Department atanga lehkha hmuh Adult Learners’ Week hmantur chungchang ngaihtuah a ni a, hemi hun hmandantur kimchang ngaihtuah tur hian Sub-Committee din nghal a ni.
2.    Ramrikawn, Reiek Block atanga AIE Centre dilna hmuh chu ngaihtuah a ni a, heta naupang kum 6-14 inkar 21 awm tia report chu uluk lehzual enchian nise, meeting lehah ngaihtuah chhunzawm nise tih a ni.
3.    Kitchen Shed sak na tur atana sikul 250 thlan tawh sa chu tha tih a ni a. Heng an sakdan enfiah tura Monitoring Team din pawh pawm niin hun remchang hmasaberah Monitoring Team-te hian Format duan sa angin endik nghal nise tih a ni.
4.    Aizawl District SSA hnuaia Sports Academy hrang hrang leh District Sports School-a pek tur Sports Material mamawhte chu lei nise tih a ni a, SSA State Project Office lamin Approved Rate an neih pawh rin mai nise tih a ni. Tin, VEC hrang hranga Stationery an mamawh pawh pek nise, senso chu meeting lehah enho leh nise tih a ni.
5.    Elementary School Games - 2009 neih turah Aizawl District SSA Team pawh telve ngei nise tih a ni a, Sports Academy atam tham deuh avangin District aiawh turte hi thlan chhuah nise, chumi atan chuan Inter-District Sports neih nise tih a ni a, hemi buaipui tur hian DEO, Aizawl kaihhruai Sub-Committee pawh din nghal a ni bawk.
6.    Civil Works hnuaia Additional Classroom sakna tur sikul 22 leh Child Friendly Elements peknatur sikul 74 thlanchhuahte chu tha tih a ni a, hemi atana sum hmantur Rs 92,24,500/- pawh pawm nghal a ni.