Co-operation Minister Pu J.H.Rothuama chuan vawiin khan Registrar Co-operative Societies (RCS) Directorate leh Asst.RCS District Office te tlawhin he department a enkawl hnua a tlawh hmasak ber a ni.
Minister hi Pu H.P.Sahu, RCS leh Pu Lalpekliana Addl. RCS bakah senior officer ten lo dawngsawngin Cooperative building chhunga section hrang hrang, MIZOFED leh MAFF office te tiamin an fan pui a. Hemi hnu hian Conference Hall-ah staff meeting neih zui a ni.
Thu sawiin Pu Rothuama chuan India ram state hrang hrang leh ram tam takin Cooperation Movement chu din chhuah nan an hman theih laiin Mizoramah Cooperative movement in duh anga hma a sawn chak thei lo chu tan lak a tul hle tih a sawi a. Hei hi Cooperative department hnathawkte tan chona a ni tih sawiin nasa lehzuala tan la tur leh cooperative movement hlawhtlinna tura theih tawp chhuah turin staff te chu a chah a. Mizoram dinhmun siam tha turin mitin mahni hma zawn theuhvah hlemhletna laka fihlim a tul tih sawiin Minister chuan hemi kawngah hian Cooperation department-a thawkte chu bul tantu ni thei se a duh tih a sawi a. Mizoram chuan moral reformation a mamawh a ni tiin dik taka thil ti turin sorkar kan duh a nih chuan mipuite pawh kan dik a tul a ni, a ti.
He meeting ah hian department aiawhin Pu Lalpekliana Addl.RCS chuan department harsatna neih te tarlangin thawktu indaihlohna chungchang te, post ruak engemaw zat tun thlenga la hnawh khah loh leh office building hlui tawh sak that ngai te, Audit Cell tihlen leh department inrelbawlna siam danglam tul te chu Minister hnenah hian a lo thlen a. Heng harsatna hrang hrang te hi Minister chuan ngaithla in department a thawkte chu englai pawha thurawn pea amah fin chhuah thin turin a sawm a. Department hmasawnna turin theihtawp chhuah a tum tih a sawi a ni.
Thu sawiin Pu Rothuama chuan India ram state hrang hrang leh ram tam takin Cooperation Movement chu din chhuah nan an hman theih laiin Mizoramah Cooperative movement in duh anga hma a sawn chak thei lo chu tan lak a tul hle tih a sawi a. Hei hi Cooperative department hnathawkte tan chona a ni tih sawiin nasa lehzuala tan la tur leh cooperative movement hlawhtlinna tura theih tawp chhuah turin staff te chu a chah a. Mizoram dinhmun siam tha turin mitin mahni hma zawn theuhvah hlemhletna laka fihlim a tul tih sawiin Minister chuan hemi kawngah hian Cooperation department-a thawkte chu bul tantu ni thei se a duh tih a sawi a. Mizoram chuan moral reformation a mamawh a ni tiin dik taka thil ti turin sorkar kan duh a nih chuan mipuite pawh kan dik a tul a ni, a ti.
He meeting ah hian department aiawhin Pu Lalpekliana Addl.RCS chuan department harsatna neih te tarlangin thawktu indaihlohna chungchang te, post ruak engemaw zat tun thlenga la hnawh khah loh leh office building hlui tawh sak that ngai te, Audit Cell tihlen leh department inrelbawlna siam danglam tul te chu Minister hnenah hian a lo thlen a. Heng harsatna hrang hrang te hi Minister chuan ngaithla in department a thawkte chu englai pawha thurawn pea amah fin chhuah thin turin a sawm a. Department hmasawnna turin theihtawp chhuah a tum tih a sawi a ni.
