699/2022-2023
Aizawl the 30th May, 2022 : Fire Service Week hi Ministry of Home Affairs, Govt. of India ruahmanna in kumtin India ram pumah April ni 14 atanga ni 20 chhung hian neih thin a ni a. Kumin 2022 Fire Service Week thupui (theme) chu “I neih sa a lo pun leh zual theih nan, kangmei laka fimkhur zir ang che” (Learn Fire Safety, Increase productivity) tih a ni.

Mizoramah pawh he Fire Service Week hman dan tur hi Home Secretary, Govt. of Mizoram kaihhruaina hnuaiah ni 25.3.2022 khan Secretariat Conference Hall-ah Meeting neiin rel a lo ni tawh a. He meeting in hman dan tur a lo ruahman zinga pakhat chu Essay Writing Competition buatsaih a ni.

Essay Writing Competition hi School Education Department nen a tang kawpin Kangmei laka fimkhur a pawimawh zia inzirtir nan Kumin 2022 Fire Service Week thupui (theme) “I neih sa a lo pun leh zual theih nan, kangmei laka fimkhur zir ang che” (Learn Fire Safety, Increase productivity) tih chu inelna thupui a hmangin, Mizoram chhung a High School hrang hrangte tan Essay Writing Competition buatsaih a ni a. He competition ah hian F.Lalpekhlua, Class-IX, Home Missions School, Aizawl chuan lawmman pakhatna lain, Lalthangmawii, Class-IX, St. John’s Higher Secondary School, Kolasib chuan lawmman pahnihna a la a, Lalhriatzuali, Class-X, Presbyterian English School, Phullen, Vengthar chuan lawmman pathumna a la a ni.

Essay Writing Competitiona lawmman pakhatna, Ist Prize Distribution Programme hi vawiin Dt.30th May, 2022 (Thawhtanni) @ 11:00 AM ah Chanmari YMA Hall, Aizawlah hman a ni a. Pu C. Lalthanmawia, IPS, Director, F&ES kaihhruaina hnuaiah he proramme hi hman a niin Keynote Address a pe a. Dr. H. Lalthlangliana MCS, Director, School Education Department, Mizoram chuan lawman Pakhatna hi hlanin thusawi na hun a hmang. Lawmman Pahnihna leh lawman Pathumna te hi F&ES Headquarters atanga officer intirin an school ah sem a ni ang. Lawmman semna hun hman zawh hnu hian Fire Safety & Prevention chungchangah Home Missions School naupangte hnenah Pu Lalremtluanga Varte, Reserve Officer F&ES chuan zirtirna a pe chhunzawm nghal a ni.