April 14-20, 2014 chhung hi India ram pumah Fire Service Week atan hman thin a ni a. Hemi Week denchhen hian Fire & Emergency Services Department, Mizoram chuan Aizawl leh District Capital hrang hrangah te Workshop, Private Hospital etc. te tlawhin Fire Safety Inspection an nei chho mek a. Pamphlets engemaw zat tunah hian sem chhuah a ni tawh bawk. Aizawl chhunga High School leh Middle School naupangte tan Poster Painting Competition buatsaih a ni mek bawk.
17th April 2014 dar 1:00PM hian Millennium Center Tualzawl-ah Awareness-cum-Demonstration neih a ni bawk ang a. He Programme ah hian tunlai zaithiam lar tak te pawh an in lan dawn a ni. Heng bakah hian School thenkhatah Evacuation Mock Drill nei tura hma lak mek a ni bawk.
April 14th bik hi Fire Service Day a niin India ram puma Fire Service hna thawkte zinga an duty laia thite sunna hun ‘Martyrs Day’ atan hman a ni leh ang a. He hun hi Fire & Emergency Services Department, Mizoram a thawkte chuan zawmin hemi ni zing dar 9:00AM ah an Headquarters ah Martarte sunna hun hi an hmang bawk dawn a ni.
