Vawiin chawhma 9:00Am atang khan Saiha Town Area pawn lam duty tur Polling official te chuan DC Office-a strong Room atangin EVM te la chhuakin; an duty na tur hmun theuh pan in an kal chhuak tan ta. Saiha town Area pawna duty tur Polling official-te hi ni 7/4/2014 khan an duty na tur hmun lam pan in an lo chhuak vek hman a. Mahse Joint NGO Coordination committee leh ECI inbiakna kel mekah vote thlak ni tur chu sawn hlat mai tur ang thawm an hriat avangin, polling official thahnem tak chu let lehin, an EVM te chu DC Office-a Strong room-ah an deposit leh vek a. Tukin zing 9:00 Am khan an in thawh tha leh a ni.

Saiha Town Area chhunga duty turte erawh chuan naktuk khian EVM leh VVPAT te an la chhuak ve thung ang. VVPAT hi Saiha Town Area chhung Polling station 21-ah hman a ni ang. Saiha District chhungah hian Polling Station 73 awmin, Saiha Assembly Constituency huamchhungah Polling station 32 leh Palak Constituency huamchhungah 41 a awm mek a ni.