Vawiin chawhma dar 11:00 khan DC’s Conference Hall, saiha-ah “R.K.V.Y. Scheme” hnuaiah Fisheries Department ten an buatsaih “Fish Farmer’s Training” chu hlawhtling taka neih a ni.

He Fish Farmer’s Training neih hi Pu CL Khulua F.E.O (Hqrs.) chuan a kaihruaia, Pu S. Hiato, Minister i/c P.H.E. etc,. chu khuallian a ni. Pu Lalrochhara, D.F.D.O Saiha in kalkhawmte chungah lawmthu a sawi zawh hnuin khuallian Pu S. Hiato chuan thu sawiin sorkarin miretheite chhanchhuahna programme NLUP chu kuthnathawktu te thleng phak policy a ni, a ti a, eirukna bawlhhlawh leh hmingchhiatna hrang hrangah sorkar a fihlim theihna chu Pathian malsawmna a ni, a ti bawk. NLUP chungchangah a hlawhtlin ngei theih nan nasa taka campaign neih a ni tiin a hlawhtlinna tak tak chu a dawngtu te kutah a in nghat lian hle a ni, a ti.

He training-ah hian khuallian hian NLUP a sangha khawi thlangtu mi panga(5) te hnenah NLUP Phase 2, 2nd Installment Rs. 8000/- theuh a hlan nghal a ni. He training programme hi session hnih (2)-a then niin chawhnu lamah thupui thlan chhuah bik hrang hrang ngaihthlak a ni a, “Construction of Fish Pond” tih thupui hmangin Pu Lalrochhara, D.F.D.O. Saiha chuan thu a sawi a, “Fish Seeds Transportation and Stocking” tih thupui hmangin Pu C.L. Khulua, F.E.O chuan thu a sawi bakah “Feeding of Fish” tih thupui hmangin Pu Lalduailova F/D chuan thu a sawi bawk. Sawihona hun te neiin training hi tih tawp a ni. He Fish Farmer’s Training -ah hian Saiha District chhunga Sangha khawi tu thahnem tak an kalkhawm a ni.