3384/2023-2024

Aizawl, the 18th January, 2024: Fisheries Department chuan vawiin chawhma dar 11:00 khan Fisheries Minister Pu Lalthansanga hovin Directorate of Fisheries Conference Hall-ah infuihtharna hun an hmang.

He hun hmanpuitu Pu Lalthansanga, Fisheries Minister chuan Sawrkar chu mipui awlsamna leh that tlan zawkna tura ding a nih thu a sawi a. Fisheries Department hnuaia thawktute chu dikna, rinawmna leh inpekna nena thahnemngai taka hna thawk theuh turin a chah a, ram damlo tidamtu ni ngei turin a sawm nghal bawk a. Kumina Department hmalakna tur hrang hrangte leh ngaih pawimawh tulte a sawi lang bawk.

He hunah hian Pu F. Vanlallawma, Director, Fisheries Department chuan Department chanchin, hmalakna leh hmachhawp tlangpuite sawiin, Fisheries Department chu kum 1993 ah Agriculture Department atanga in dangin District sawm pakhat (11) ah Office an neih thu a sawi a. Staff indaihlohna avanga duhthusama hna an thawh theih loh thin thu a sawi bakah tun dihmunah Sangha dil nei mi 18,519 (Singkhat sangriat zanga sawm leh pakua) an awm thu leh Sangha thar chhuah pawh Metric Ton 5,029 (Sangnga sawmhnih leh pakua) a nih thute a tarlang a. Mizoramah Sangha dil siam theihna ram Hectare 24,000 a zau a la awm thu a tarlang bawk.

Infuihtharna hun hi Fisheries Secretary Pu C. Lalzahngoa chuan kaihruaiin thawktute inhmelhriattirna hun a hmang a. Pu V. Laltlanliana, Under Secretary, Fisheries Department-in hunserh a hmang a. Pi Laltleipuii, Joint Director, Fisheries Department chuan lawmthu sawiin hun hman a khar a ni.