3385/2023-2024

Hnahthial the 18th January 2024: Hnahthial District Bawrhsap Pu Chuauhnuna chuan vawiin khan a office chamber-ah Hnahthial District huam chhunga National Highway (NH) 54 thuam that leh laih zauh hna thawk mek tu contractor te kawmin thingpui inhona a neihpui.

Vawiin inkawmhona ah hian Ministry of Road Transport & Highways hnuaia NH 54 kawng laih zauh leh thuam that hna thawh mek in mipui vantlang thil hrang hrang a tihchhiat palh te ngaituah ho a ni a, mipui vantlang in an hman pavement te, step leh internal road tihchhiat palh awm te endikna (assessment) nei thuai tura contractor-te chu hrilh niin a hma thei ang bera an assessment report thehlut vek tura hriattir an ni. Chu bakah NH 54 kawng in a khawih chhiat te siam that hna chu April ni 15 hma a zo vek tura hriattir an ni bawk. Vawiin meeting ah hian National Highway 54 kawng a ram neitu, zangnadawmna (compensation) la tawh, an ram la chhuahsan lo te leh sawrkar ram lak chhunga insa thar leh te, District Administration atanga ram chhuahsan tawh tura hriattirna lehkha (eviction notice) dawng tawh, la chhuahsan lo te chungchang pawh rel niin demolition atana mamawh khawl (machinery) te contractor ten lo ngaituah pui se tih a ni bawk a ni.

Vawiin inkawmhonaah hian NHIDCL Lunglei General Manager, ACBI aiawh, BIPL Rawpui camp aiawhte leh Mathiyan Construction Pvt. Ltd aiawhte bakah Addl DC, SDO (S), BDO leh SDC te an tel  a ni.