3386/2023-2024

Aizawl the 18th January, 2024 : Vawiin (ni 18.1.2024) khan Ministry of Rural Development (MoRD), Govt. of India; Centre for Internal Audit in Rural Development (CIARD), NIRDPR, Hyderabad leh SIRD&PR, Mizoram buatsaih kar 3 (thum) chhung awh tur “Three-Week Certificate Programme on Risk Based Internal Audit of Rural Development Programmes” training SIRD&PR, Mizoram Auditorium, Durtlang Laitanah a hawnna neih a ni a, he training hi Pu Neeraj Kumar Sharma, ICAS, Controller of Accounts, MoRD, Govt. of India chuan a hawng.

Training hawnna thu sawiin, Pu Neeraj Kumar Sharma chuan Ministry of Rural Development (MoRD), NIRDPR leh SIRD te thawhhona tha tak avanga training pawimawh tak mai buatsaih a ni chu lawmawm a tih thu sawiin, RD Scheme hrang hrang te hlawk zawk leh tangkai zawka kalpui a nih theih nan he Training hian hlawkna a thlen ngei a beisei thu leh mipuite tan pawh hlawkna leh malsawmna a thlen ngei a rin thu sawiin, hlawk tak leh tangkai taka training hi nei tura chahin, he training hi a hawng a ni.

Training hawnna inkhawmah hian inlawmna thu Pi Ethel Rothangpuii, Director, SIRD&PR, Mizoram chuan sawiin, Dr. U. Hemantha Kumar, Associate Professor & Head, CIARD, NIRDPR, Hyderabad chuan training neih chhan leh a tum tlangpuite tarlangin, Dr. Khawlsiamthanga Khawlhring, Associate Professor, SIRD&PR, Mizoram chuan lawmthu sawiin training hawnna hun hi a khar a ni.

He Training-ah hian Asst. Rural Development Officer te, Assistant Engineer te, Addl. Programme Officer te, Account Assistant te leh ETC, SPRC leh DPRC-a Faculty mi 29 an tel a ni.