Vawiin chawhma dar 10 : 30 khan Fisheries Department te chuan D.C’s Conference Hall, Siaha-ah 2nd Installment N.L.U.P. 3rd & 4th Phase semna an nei.

He Fish Farmers Training leh N.L.U.P. semna inkhawm hi Pu CL Khulua, DFDO, Siaha District, Siaha chuan a kaihruaia Pu N.Chakhai Additional Deputy Commissioner, Siaha chu Khuallian ani.Pu CL Khulua, DFDO, Siaha chuan sawihawnna neiin Rev Thylua Hlychho, Director Revival Evangelism (ECM) chuan hunserh a hman hnu ah thu sawiin Khuallian chuan Amah ngei pawh Vawk, Ar vulh leh Sangha khawi lamah a tui thu leh trainingna ah pawh a tel thin thu a sawi a, Tlanglo neih ai chuan Sangha Dil neih a hlawk zawk a ni tiin mahni nun min tihlimtu mai nilovin eizawnna tlak a ni a ti bawk. Sawrkar tha chuan mipuite hamthatna a ngaihtuah thin tiin NLUP in a tum ber chu miharsate dinhmun khaichhuah a ni a ti a, mi thatchhia chu a intamchhuah thin ani tiin thil tha ti turin kan Bible chuan min zirtir a ni, ati bawk. NLUP Benificiaries te chu Sawrkar ruahmanna te tihhlawtlin tum tur leh an Pawisa dawnte a nihna ang taka hmang tangkai turin a chah bawk a. Sangha khawitute chu tih takzetna nena hna thawk turin a chah bawk. Tuna Beneficiaries te hian kumtin Quintal thum theuh tal Sangha kan thar chuan kan ram chu Sangha-ah a intodelh dawn a ni a ti. Corruption chungchang sawiin Sum a nihna tura hman lo hi Corruption a ni tiin NLUP dawngtute chu Talent dawngtute ang in ni a, tipung ngei tura beisei inni tiin Sawrkar thiltum tihhlawhtling theuh turin kalkhawmte chu a chah a ni.

He Fisheries Training na-ah hian Pu Lalramzawnchhuaha, FEO chuan ‘Disign & Construction of Fish Pond’ tih thupui hmangin Training a pe a, Pu V. Lalnghaka, AFO chuan ‘Integrated Fish Farming’ tih thupui hmanga Training a pek bakah Pu Lalduailova, FD chuan ‘Important of Artificial Feeding in Fish Culture’ tih thupui hmangin Training a pe a ni. NLUP dawngtu mi 56 hnenah Rs 40,000/- theuh pek an ni a, RKVY dawngtu mi 23 hnenah Rs 30,000/- theuh pek an ni.

He Fish Farmers Training leh NLUP semna inkhawm ah hian NLUP Beneficiaries te an kal tha hle a ni.

Attachment

  • Loading attachment...