939/2022-2023

Kolasib dated 17th June 2022: Vawiin chawhnu khan Pu.K.Lalrinliana, Minister, Fisheries Department chuan Pradhan Mantri Matsya Sampada Yojana hnuai a Banglalui, Kolasiba ' Promotion for Recreational Fisheries Project' hmun tur a tlawh a, Pu Laldawngliana, Secretary, Fisheries Department, Pu John LT Sanga, Deputy Commissioner leh Pi Lallianpuii, DFDO-ten an tawiawm a ni.


Fisheries Department Minister Pu K.Lalrinliana chuan sangha khawi lam a tui mite tih phur nan te, sangha khawi lam inzirtirna hmun atan leh a duh apiang tan a tlawh thei turin PMMSY hnuai ah Baglalui, Rengtekawnah 'Promotion for Recreational Fisheries Project' chu kalpui tum a nih thu a sawi a. Zin mite mai bak ah ram chhung mi, sangha khawi lam a tui te leh intihhlim nana hun hmang duh te tan pawh he hmun hi hawn a nih tur thu Minister chuan sawiin sangha khawi lam inzirtirna leh intihhmuhna hmun țangkai tak a nih ngei a beisei thu a sawi bawk a ni.

'Promotion for Recreational Fisheries Project' Banglaluiah hian mikhual thlen theihna tur khualbuk, lawng tlawh kal theih, nghakuai chiahna, Store room leh thawktute awmna tur leh sangha dil engemaw zat siam tur a ruahman a ni. Minister Pu K.Lalrinliana hian Assistant Controller of Legal Metrology Office, Kolasib leh Tank Lorry Calibration Centre, Tițha Veng, Kolasib a tlawh nghal bawk a ni.

Attachment

  • Loading attachment...