940/2022-2023
Aizawl, the 17th June 2022 : Indian Institute of Mass Communication chuan June ni 10, 2022 atangin kum 2022-2023 session atan Post Graduate Diploma Course hrang hrang dil theihna hun a hawng leh ta a. Entrance Examination hi July ni 31, 2022 hian neih a ni dawn a. Entrance examination hi National Testing Agency in CUET (PG) rualin a buatsaih dawn a. Online application form leh admission information bulletin hi cuet.nta.nic.in/ ah download theih a ni.

Kumin atang hian English Journalism Course bakah IIMC North East Campus-ah hian PG Diploma Course in Digital Journalism hawn a ni dawn a. Internet leh Social Media pawimawh chho zel karah Digital Journalism course zir chi leh tangkai tak tur a ni.

IIMC Northeast Campus hi kum 2011 khan din a ni a, Mizoram University Campus chhung a permanent Campus tur pawh sak zawhfel a ni tawh a. India ram hmun hrang hrang atangin zirturin an lo kal thin a. North East Campus zirlaite hi exam leh hnalamah pawh an che tha hle thin a. Media organization tha leh changtlung tak taka thawk ta thahnem tak an awm tawh a. Placement kaltlangin zirlaite hian hna an hmu deuh vek zel a. North East Campus hian Mizoram leh hmarchhak mi zirlai tam zawkte he Institute ah hian zir turin a duhsak hle a. North East Campus hi Media lama experience nei tha tak leh mi hmasa Pu LR Sailo’n Regional Director niin a enkawl mek a ni.