Minister of State Fisheries, Sericulture etc. Pi Vanlalawmpuii Chawngthu chuan vawiin khan Serlui B tuikhuah a Fisheries Department hmalakna hnuaia sangha khawina hmun Fisheries Cage Culture a tlawh.

He hmun ah hian Fisheries Department Director Pu S.P Singh chuan helai hmuna an hmalakna tlangpui leh an Sangha khawi dan te chu sawi fiahin Sangha khawina bawm/Cage te chu a hmunah an enfiah a, hemi bakah hian Fisheries Minister chuan Chemphai khua a Sangha no/chi enkawlna hmun a tlawh bawk a ni.

Fisheries Department  hotute atanga report kan dawn dan in Serlui tuikhuah ah hian Sangha khawina bawm/Cage 133 a awm a, cage 1 ah hian sangha chi/no 4000 vel an dah tlangpuia Cage/Bawm 1 atangin Sangha Quintal 4 atanga Quintal 6 an thar chhuak tlangpui a ni. He Sangha khawina hmun hi Society thlanchhuah te in an enkawl a, Sangha an tharchhuah za a sawmnga (50%) chu enkawlna man ah an nei thin a a bak 50% chu Sawrkar revenue ah chhun luh thin a ni.

Fisheries Minister Pi Vanlalawmpuii Chawngthu hi Fisheries Department Director Pu S.P Singh, Kolasib District Fisheries Development Officer Pi C. Lalparmawii leh midang ten an tawiawm a ni.