Vawiin khan Central Institute of Fisheries Education (ICAR-CIFE) Mumbai leh Mizoram Fisheries Department tangkawpin Fisheries Department Conference Hall-ah ‘Modern Methods of Aquaculture’ tih thupui hmangin Skill Development training an buatsaih.
Fisheries Department Director Pu SP Singh chuan training hi hawngin training-a tel ten an thil zir leh hriatte midang zirtir chhawng leha, Mizoram tana tangkai taka hmang thei turin a chah a. sangha khawi hi eizawnna tha leh hlawk tak a nih thu leh ei leh bara Mizoram intodelhna thlen theitu a ni tih hria a, taimak chhuah leh zual turin a fuih. Mizoramah sangha khawina tur hmun tha tak tak a awm thu sawiin, ‘Vision 2020’ hnuaiah an ram neihte hlawk zawk leh tangkai zawka an hman theihna turin training hi a pawimawh a ni a ti a, zirtirna pe tura phai atanga lo kal mithiamte chungah lawmthu a sawi bawk a ni.
He training-ah hian Mizoram hmun hrang hranga sangha khawitu thlan bikte leh Department-a technical mi te an tel a, ICAR-CIFE MUMBAI, Kolkata Centre atanga lo kal, Fisheries Scientist ten a lem nen an zirtir a ni.
He training hi ni 2 chhung awh tur niin naktuk ni 29.11.2017 hian Lengpui-a Department Fish Seed Farm-ah Practical-a inzirtirna leh sawihona hun hmangin he programe hi chhunzawm leh tur a ni.
