Vawiin khan National Health Mission (NHM) hnuaia Mobile Medical Unit (MMU) te chuan kumin chhunga an kalphung hrang hrang thlirhona leh training pawimawh tak an nei.

Vawiina Training-cum-Review Meeting hi Dr. Pachuau Lalmalsawma, State Nodal Officer, MMUs chuan a kaihruai a. State Programme Manager, NHM Dr.Lalthantluanga-in kalkhawmte lawmna leh fuihna thu sawiin sum indaihlohna avanga MMU-in harsatna tam tak an tawh mek laia thatho taka staff-te an chechhuak thei zel chu an fakawm a tih thu a sawi a. Sawrkarin an harsatnate chinfel sak tura theihtawp a chhuahsaknaah lawmthu a sawi bawk. Thawktute hlawh chungchangah pawh sutkian chhoh mek a nih dante sawiin MMU staff-te chu hmalam pan zel turin a fuih a ni.

Pu R.Lalmuankima, State Facilitator, RRC-NE chuan MMU Operation chungchang sawifiahin powerpoint presentation a pe a. Dr.Lalthlengliani, SNO, RBSK hnen atangin RBSK leh Mobile Medical Unit ten thawhhona tha zawk an neih theih dan tur ngaihthlak a nih bakah Lalfakzuala Pautu, State Entomologist, IDSP hnen atangin Vector Borne natna awmzia ngaihthlak a ni bawk a. Mithiam sawm bikte nen zirtirna pawimawh tak tak zirho a ni bawk.

MMU hian Mizoram leilung leh sik leh sa mil zela damlote tlawhchhuah theih dan turah ruahmanna thar an siam mek a. Kum danga an la tih ngai loh Programme dang te nena thawhhona tha zawk an duang mek bawk.Vawiin Programme-ah hian district hrang hrang atanga MMU thawktute an tel kim hle a ni.