Aijal Club-a Mizoram Florists’ Association ten Flower Show leh Fair vawi 37 na an buatsaih chu Pu Lal Thanzara, MLA chuan vawiin khan a hawng.

Tun tuma Flower Fair hi November ni 30 atanga December ni 2, 2015 chhung neih tur a ni a. Hetah hian Poinsetia te, pangpar tiak, thlai tiak, seasonal, perennial, house plants chi hrang hrang leh plastic pot te lei tur a awm ang. Fair-ah hian dawr 48 hawn a ni a, heng dawrah te hian Mizoram Florists’ Association member ten an mahni chin leh thar ngei pangpar chi hrang hrang leh house plants mawi tak tak an pho chhuak a, zing dar 9:00 atanga tlai dar 4:00 thleng Fair neih chhung hian a duh apiang tan hengte hi lei theih a ni ang.