Mizoram inthlan neih turah Lunglei District huamchhunga Flying Squads te chu naktukah an duty-na hmun tur an pan tawh dawn a, vawiin khan Lunglei Addl. DC Dr. Andrew H.Vanlaldika chuan Flying Squad Leader-te a office chamber-ah kokhawmin an hnathawh dan tur a hrilhfiah a ni.

Lunglei District huamchhunga Assembly Constituency tinah Flying Squad hi 2 zel dah a ni dawn a, anni hian inthlan boruak tichhe zawnga thilthleng tur ven hna an thawk dawn a ni. Complaint lut reng rengte chu bawhzuiin Flying Squad te hian an enfiah zel dawn a, hei hi video-a lak vek a ni ang. Flying Squad-te chuan lirtheiah sum/zu phura rinhlelhawm te pawh an check dawn bawk a ni.

Flying Squad Leader-te chu a hnuaia mite an ni :

29(ST)-South Tuipui - Pu V.Laldinsanga, BDO, Hnahthial

30(ST)-Lunglei North - Pu Lalthankhuma Gangte, ACPS, Lunglei

30(ST)-Lunglei North- Pu B.Lalrinsanga, Statn. Supdt., Lunglei

31(ST)-Lunglei East - Pu T.Lalhlimpuia, Lecturer, leitlangpui HSS, Lunglei

31(ST)-Lunglei East - Pu KL Buala, Dy.Controller, Legal Metrology, Lunglei

32(ST)-Lunglei West - Pu R.Vanlalsiama, Lecturer, GHSS, Lunglei

32(ST)-Lunglei West - Pu Lalramnghinglova, ACSO, S&WC Dept, Lunglei

33(ST)-Lunglei South - Pu K.Lalnuntluanga, BDO, Lunglei

34(ST)-Thorang - Pu H.Lalrinpuia, BDO, Bunghmun

35(ST)-West Tuipui - Pu James Vanlalluaia, DAO, Lunglei

35(ST)-West Tuipui - Pu Lalnunzira, DFO, Tlabung