Ni 2 chhung neih tur 21st State Level Children Science Congress Mizoram chu vawin chawhma Dar 10:00 khan Chatlang YMA Hall-ah Pu B. Lalchhuanliana, Additional Director School Education Department in a hawng.
He Programme hawngtu Pu B. Lalchhuanliana, Additional Director School Education Department chuan hawnna thu sawiin Science limanga kan khawvel hmasawnna lawmawm zia a sawi a, naupang chu an Mini Research hmanga danglamna thlen zel turin a chah a ni.
He Children Science Congress hi Chaltlang YMA Hall ah ni 2 chhung neih tur a ni a, Mizoram District hrang hrang atangin Project 32 Present a ni ang a, heta tang hian National Children Science Congress, Bhopal-a tel tur Project 8 leh Indian Science Congress, Jammu and Kashmir a tel tur 2 thlan chhuah an ni bawk ang.
He Children Science Congress intihsiakna atanga National Level-a kal velo turte pawh hi Guwahati-ah December 2013 thla tir hian hruai an ni ang.
National Children Science Congress hi kum 1993 atanga tan a ni a, kum tinin Mizoram pawh Science Teacher Association Mizoram (STAM) huaihawtin a la telve ziah a ni.
He hawnna Programme hi Dr. Lalengmawia STAM President in a kaihruai a, Pu VL Malsawma Children Science Congress, State Co-Ordinator in State Level Science Congress chungchang a thil hriattur pawhmawh te sawina hun a hman bakah STAM hmalak tawhnate report a pe bawk a ni.
