ASEP chuan kum tina a hman thin angin General Assembly vawi 9 na “Nungcha Hmangaihtute Inkhawmpui” tia vuah chu vawiin khan I&PR Conference hall-ah a hmang a. November ni 6 hi Dulte hauhuk vuiliam ni a nih hriatrengna ni pahfawma hman a ni. He inkhawmpui hi President Pu K. Lalmuansanga’n a kaihruai a, General Secretary Pu Peter Vanlalhriata’n hmalakna report a pe a.

He inkhawmpuiah hian Resolution paruk pass a ni a, chungte chu :-

1.        Kanluidung nungchate tha zawk leh khauh zawka humhalh an nih theihnan The Mizoram Fisheries Act, 2002 hi a taka hman a theihturinSawrkarin chak takin hma la rawh se.

2.         Tualchher silai (Unlicensed gun) te hiankannungcha tam tak a tihrem avangin Sawrkarin khauh zawkin khuahkhirhnasiamrawh se.

3.         Silai license hi Crop protection atana pek chhuah a ni ber a. Mahse nungchate tih chereu nana hman nasat a nih em avangin The Arms Act, 1959 in a sawi “Sawrkarin nungcha humhalhna atan a tul a ti anih chuan thlai seng zawhah order tichhuakin licence nei silaite police station a tung vek turin a hriattir thei ang a, licence neitu in a zawm ngei tur a ni,” tih hi a takin Sawrkar hian kalpui se.

4.         Mizoram tana ramhmul tha lo Invasive plants pahnih Shillong par (Lantana camara) lehBiharpar  (Ageratina adenophora) te hi Sawrkar hian a nuaibo dan kawng rang takin ngaihtuah rawh se.

5.         Ramkang hiankanram a tih chereu nasat em avangin awareness leh meikawng sial kawngahte sawrkar hian awmze nei zawkin hma la rawh se.

6.        Kanramin MLA inthlanpuikanhmachhawn mek a, sawrkarnasiamtur Political Party apiangten hmasawnna kawngkanzawhna kawng tinrengah environment hlutna leh humhalh a tulna ngai pawimawh tak meuhturinkanngen a. Party policy-ah pawh dah pawimawh hleturinkanngen a ni.

Inkhawmpui hman apiang hian ramngaw leh nungcha humhalhna kawnga thawk thate hnenah ASEP Nopui hlan thin a ni a. Kum 2013 atan chuan Awithangpa Zotheihuan Co-ordination Committee Kanghmun khua hnenah ASEP chawimawina sang ber chu hlan a ni. Kanghmun khua hian an ram chhunga nungchate ngawrh taka humhalhin ramsial pawh an la nei a, an khaw dai hnai lawk lawkah pawh hmuh theih maiin Hauhuk rualte an rawn inlar ngam hial tawh a ni.

ASEP hi kum 2003 atanga din tan a ni a, ramngaw leh nungcha humhalhna kawngah hian hmalakna tam tak a lo nei tawh a. Mizoram hmun hrang hranga ASEP lo support thintu zawng zawngte chungah lawmthu a sawi a, a duh apiang tan member a nih theih reng a ni.