No.2787/2021-2022
Aizawl, 29th October, 2021 : Vawiin khan Mizoram sawrkar hnathawk inzawm khawm pawl, Federation of Mizoram Government Employees & Workers(FMGE&W)te chuan Pu Lalnunmawia Chuaungo IAS, Chief Secretary, voluntary pension a chhuak ta chu a office conference hall-ah thlahna hun an hmang a. A hma lam hun atan duhsakna an hlan a ni.

FMGE&W aiawhin President Pu Lalchuailovan thlahna thu a sawi a. Chief Secretary chu Mizoram in hun khirh tak a tawh lai, ramri chungchanga buaina te, Covid-19 hripuiin Mizoram a tuam lai leh Myanmar ram buaina avanga Mizoramah raltlan tam tak an rawn luh lai pawhin Mizoram sawkar aiawha huai tak leh nghet taka ding a, a mawhphurhna te tha taka hlen thin a nihna ah fakawm a tih thu a sawi a ni

Pu Lalnunmawia chuan FMGE&W chu sawkar anga thawhpui nuam a tih thu a sawi a. State dang officer te nen khaikhinin Mizo officer te chu fel leh chhuanawm a tih thu a sawi bawk a. Federation hruaitute chu Mizoram tan an finna leh theihna te nasa zawka hmang a, rinawm taka Mizoram sawkar tawiawm turin a chah a ni.