No.1999/2021-2022
Aizawl 26.8.2021: Mizoram sawrkar hnathawk inzawmkhawm pawl lian ber Federation of Mizoram Govt. Employees & Workers te chuan vawii khan COVID-19 hrileng avanga harsatna tawkte puihna turin an ni khat hlawh thawhkham atangin a thawh thum nan vawiin khan Chief Minister's Relief Fund for COVID-19 a chhunluh turin Rs. 70,61,600 (Cheng maktaduai sarih singruk sangkhat leh zaruk) chu Chief Minister Pu Zoramthanga hnenah a pisaah an hlan.

A hmalama an lo pek tawh nen hetiang hian an nikhat hlawh kan thawhkhawm chu a ni:
Dt. 17.6.2021: Rs. 3,00,00,000
Dt. 12.7.2021: Rs. 2,00,00,000
Dt. 26.8.2021: Rs. 70,61,600
TOTAL: Rs. 5,70,61,600 (Cheng Vaibelchhe nga, maktaduai sarih singruk sangkhat leh zaruk)

FMGE&W chuan ramin hun harsa tak a tawh laia thawhlawm thawh theia an awm chu lawmawm an tih thu sawiin, sawrkar hmalakna an fak thu an sawi a. Chief Minister chuan sawrkar hnathawk ten phal taka chhawmdawl ngaite tana hlawh an thawh avanga lawmthu a sawi a ni.