No.2000/2021-2022

Aizawl, 26th August, 2021 : Kum tina neih thin, State Geological Programming Board(SGPB) meeting vawi 26-na chu vawiin khan SAW conference Hall, MINECO ah neih a ni a. Directorate of Geology & Mineral Resources leh Mizoram sawrkar hnuaia lined department hrang hrang- AMC, PWD, PHE, P&E, UD&PA, Minor Irrigation, DC office zawng zawng te leh Disaster Manangement & Rehabilitation Department bakah Mizoram chhunga Central Agencies awmte- Geological Survey of India(GSI Tripura-Mizoram Circle), Central Water Commission(CWC), BRTF, ONGC, Oil India Ltd te hnathawh thlirho a ni.
Meeting hi Pu Lalremsanga MCS, Joint Secretary, Commerce & Indutries Department-in a kaihruai a. Leilung leh a kaihhnawih thila Geology & Mineral Resources leh GSI te puihna an duhte sawiho niin meeting ah hian Geology & Mineral Resources, GSI, Land Revenue & Settlement Department, ONGC, PWD leh Project Pushpak(BRTF) atanga Agenda 13 lutte chu sawi ho leh pawm tlan a ni a. Aizawl District Bawrhsap Dr.Lalhriatzuali IAS in Directorate of Geology & Mineral Resources Annual Report 2020-2021 a tlangzarh bawk a ni.

Kumin SGPB meeting ah hian hripui avangin Aizawl khaw chhunga member awmte chauh a takin an tel thei a. Aizawl pawn lam leh state pawna member te chuan video conferencing hmangin he meeting hi an lo zawm ve a ni.